ပြန်လိုချင်တယ်
မြင်ချင်တယ် မင်းအပြုံးနဲ့
ဒီမျက်လုံးတွေ
အရင်က မင်းကိုပြန်တွေ့ချင်တယ်
အချိန်တွေက ပြောင်းလဲစေခဲ့သလား
အတွေ့အကြုံတွေကြောင့်
ရင့်ကျက်လာခဲ့သလား
ငါ့ကိုမတွေ့ချင်လောက်အောင် စိတ်နာစေခဲ့လား
ဆောင်းမနက်ရဲ့
အိပ်မက်ထဲမှာ
မင်းရဲ့ အပြုံးကိုပြန်မြင်ခဲ့တယ်
အိပ်မက်ထဲတောင်
ငါက မဝံ့မရဲနဲ့
တွေဝေနေခဲ့တယ်
လိုချင်တယ် အေးချမ်းမှုနဲ့
မျှော်လင့်ချက်တွေ
အရင်က လွတ်လပ်မှုကို ပြန်လိုချင်တယ်
အဖြစ်အပျက်တွေ က မျှော်လင့်မထားခဲ့တာလား
ကောင်းဖို့အတွက်
ဖြစ်လာခဲ့တာလား
မတန်မရာ ပေးဆပ်မှုတွေလား
ဆောင်းမနက်ရဲ့
မြူတွေကြားက
ခရေပန်းတစ်ကုံး
တိတ်ဆိတ်မှုနဲ့အတူ
ထောင့်တစ်နေရာမှာ
ငြိမ်သက်နေမိတယ်
10 Dec 21
လှိုင်ဝေဝေယံ
No comments:
Post a Comment